For English see further down !

Die belangrikste van fotografie is om die boodskap duidelik oor te dra en met jou kamera te kommunikeer. Komposisie, beligting, blootstelling, reël van derdes, sluiterspoed, kleurteorie, digitale fotografie, bemarking, uitstallings en aanbieding van jou fotos en nog vele bruikbare tegnieke wat sal verseker dat jou fotos elke keer ‘n sukses is. Jy sal ook  geleenthede kry om jou fotos self te ontwikkel in ons donkerkamer (waar jy met lig kan speel) of jou fotos in ons studio’s te skiet. Sips wil u help om n unieke styl op die beste moontlike manier uit te beeld. Behalwe vir die teorie wat jy agter die rug moet kry doen ons baie praktiese slypskole in die tewwed semester en verder onder die vlerk geneem met Charl Best wat 26 jaar ondervinding in dokumentere, kommersiele, advertensie en wetenskaplik fotografie het. Hy leer nie net om binne n jaar n volwaardige fotograaf te word nie maar ook hoe om jou voet in die mark te kry, jou fotos verkoop te kry en jou voortdurend te motiveer.

Fotografie (om met lig te teken) is ‘n opwindende, kreatiewe manier om jou gevoelens uit te beeld. Fotografie maak dit moontlik om jouself te vereenselwig met bekende mense of plekke. Wanneer jy na die bioskoop to gaan is dit eintlik fotografie. Foto’s speel ‘n belangrike rol in ons lewens; dit is moeilik om te glo dat fotografie nie bestaan het 200 jaar gelede nie. Alhoewel fotografie ‘n wonderlike uitdagende stokperdjie kan wees, kan dit ‘n nog beter suksesvolle en genotvolle professie wees. So as jy die passie en deursettings vermoeë het, is hierdie kursus vir jou. Gedurende die eerste semester sal jy die tegniek om jou kamera ten volle te gebruik bemeester asook kleurteorie, komposisie, toerusting, digitaal, lense, filters en swart-en wit-donkerkamer (camera obscura) tegnieke asook die ontwikkeling van jou eie foto’s. Jy sal ook leer van die interessante geskiedenis van fotografie, soos in 1835 het Louis Jacques Mande Daguerre die kuns van Fotografie ontdek en deur verder te eksperimenteer het hy ‘n metode gevind om ‘n beeld op ‘n koperplaat vas te vang met gewone sout. Gedurende hierdie periode sal die student praktiese fotosessies met professionele modelle neem deur stil lewe, fotosessies op hangklip se duine en  verskeie landskappe.

Terwyl ons na die tweede semester beweeg sal die student meer leer van gevorderde, gespesialiseerde tegnieke wat die student waarlik ‘n professionele fotograaf sal maak. Die student sal slypskole bywoon van die beste fotograwe in die Westelike Kaap en sal ook hoogs toegeruste studios bywoon vir opleiding. Jy sal werkswinkkels voltooi in: mode, digitaal, industrieel, landskappe, studio beligting, ‘packshots’, advertensiewese, voedsel, ‘roomsets’, ‘commercial’, sport, landskap, troues en interieur ontwerp onder andere.

Ook leer ons, ons studente om hulle foto's aan stock libraries op die internet te verkoop, en sodoende geld na afloop van die kursus te verdien.

Aan die einde van hierdie kursus sal jy ‘n professionele portefeulje hê wat vir jou deure reg oor die wêreld sal oopmaak. Wou jy nog altyd die wêreld gesien het? Nou kan jy geld verdien terwyl jy toer en onmisbare ondervinding opdoen soos meeste van ons studente werksgeleenthede gekry het op populêre passasiers skepe in die Karibbean. Leria, een van ons oud –studente het die afgelope 2 jaar getoer en 50 lande besoek, sy het ook ‘n 98 dae om -die- wêreld toer gedoen en daagliks fotos geneem en ontwikkel.